Laguntza:Kategoriak
 Wikipediako tutoriala |
| Artikuluak idatzi... |
| Wikipediako hitzarmenak... |
| Ikus, gainera... |
| Wiktionaryan sakontzeko >> |
Orri honek, kategoriei buruzko informazioa dakar.
Sarrera editatu
Kategoria bat, gai jakin bati buruz lotutako artikulu, txantiloi eta abarren taldea da. Artikulu (edo txantiloi, edo beste kategoria batzuk) multzo bati kategoria berdina jarriz, hauen izenburuak orri berezi batean azalduko dira, Kategoria: izen-tartearekin hasten direnak. Nahiz eta izenburuan bereizgarri hori azaldu, kategoriaren izena bi puntuen (:) ondoren idatzita dagoena da. Artikuluaren kategoria, artikulu horren behekaldean ikus daiteke, eta loturetatik abiatuta, kategoriara joan.
Kategoria orriak editatu
Kategoria orriek ondorengo atalak dituzte:
- Aldatu daitekeen testua.
- Kategoria horretako azpikategorien zerrenda.
- Kategoria horretako orrien zerrenda. Ez badago bat ere ez, atala ez da azaltzen. Bestela, orri kopurua zein den ere azaltzen da, orrietarako loturarekin batera.
- Kategoria horretako irudien zerrenda. Ez da zenbatzen zenbat irudi dauden.
Artikuluak kategoria batera gehitzea editatu
Artikulu bat kategoria batera gehitzeko, honako hau idatzi behar duzu artikuluan. Artikuluaren zein tokitan idatzi behar duzun jakiteko begiratu artikuluen formatua.
[[Kategoria:kategoriaren izena hemen doa]]
Oharra:
- ingelesezko izena erabilita ere badabil (Category) baina hemendik eskertuko genizuke aurkitzen dituzun guztiak eta sortuko dituzunak euskaraz ezarriko bazenitu. Mila esker.
Artikulu berdina kategoria baten baino gehiagotan sartu badaiteke, hainbat aldiz idatzi beharko duzu.
[[Kategoria:1 kategoriaren izena]] [[Kategoria:n kategoriaren izena]]
Prozedura berdina jarraitu txantiloiak, kategoriak eta abar kategorizatzeko.
Oharrak:
- Artikuluaren aurrebista ikusten duzunean (beti egin behar dena) aldaketak gorde baino lehen, begiratu kategoriaren lotura ere ondo dagoen. Kategoria sortu berria bada gorriz azalduko da, bestela urdin kolorez edo. Behe-behean ikus dezakezu, artikulua orokorrean dagoen bezala.
- Begiratu kategorian (kategoria bat kategorizatu baduzu, goi-kategorian izango litzatekeena) ongi badago artikulua. Kategorian izango duen kokapena atala irakurri.
Zein kategoriatara gehitu editatu
Bi kategoria desberdinetan gehitu ahal bada artikulu bat eta kategoriek ez badute elkarrekiko lotura zehatzik, ez dago arazorik; kategoria biak jarri behar zaizkio.
Baina, zer gertatzen da bi (edo gehiago) kategoriak elkarrekin loturarik badaukate? Adibide gisa Pilota eta Esku pilota kategoriak hartu ditzakegu. Urte bateko txapelketa bati buruzko artikulu bat sortzean edo, ikusiko duzu kategoria bi hauekin lotuta dagoela. Horrelako kasuetan, ez da bietan jarri behar, ahalik eta kategoriarik baxuenean baizik. Gero, kategoria berri hori bestearen barnean geratzen delarik. Hau da, Esku pilota kategoria, Pilota kategoriaren azpikategoria litzateke. Honela sailkatuta, bilaketak egitean errazago izango dugu.
Kexkak handitu egiten dira Esku pilota izeneko artikulua agertzean, baina aurrekoa bezala, ahalik eta kategoriarik baxuenean sailkatzen badugu, zehaztasun gehiago lortuko dugu. Beraz, Esku pilota izeneko artikulua, Esku pilota kategoriaren barruan kokatu beharko litzateke.
Artikuluak kategorian izango duen kokapena editatu
Artikuluak kategorian izango duen kokapena ere moldatu daiteke zati handi batean. Bertako ordena lexikografikoa da, alfabetikoaren antzekoa. Atal hau garrantzitsua da batez ere izen-tarteak dituzten (artikulu arruntak ez direnak: txantiloiak, wikiztegiko orriak...) orriak kategorizatzerakoan. Behean ikus dezakezu zein ikur doan lehenago eta zein geroago. Dena den, sailkatzeko orden honek arazoak ere ekar ditzake.
!"#$%&'()*+,-./0123456789:;<=>?
@ABCDEFGHIJKLMNOPQRSTUVWXYZ[\]^_
'abcdefghijklmnopqrstuvwxyz{|}~Ordenatzeko, kontuan hartzen da barra-bertikalaren ondoren idazten dena. Ongi etorria emateko txantiloiaren adibideaz baliatuz, honela sailkatuta dago:
[[Kategoria:Laguntza txantiloiak|O]]
Barra-bertikala eta gero O hizkia (Ongi etorriaren hasiera delako) idatzi behar izan da; bestela, T letraren arabera sailkatuko zuen (Txantiloiren lehen hizkia).
Ordena lexikografikoaren arazoak editatu
Azentua editatu
Eñe letra (ñ) editatu
Ingelesez eñe ez denez existitzen, arazoak sortzen dira hau erabiltzerakoan. Kategorietan sartzean, eñe letra nzz-rengatik ordezkatu behar da. Horrela, artikuluak ordena egokian azaltzea lortuko dugu.
Letra larriekin azaltzen bada, Ñ, ordezkatzeko erabiliko duguna Nzz izango da (ez NZZ).